Մարմնական խնդիրների հոգեբանական պատճառները ըստ Լուիզա Հեյի

Լուիզա   Հեյը  պնդում  է, որ    մենք ինքներս  ենք   ստեղծում     մեր   մարմնային  հիվանդությունները:  Մեր   մարմնի  յուրաքանչյուր   բջիջ    արձագանքում  է  մեր  մտքերին  ու  արտահայտած   բառերին:  Լ.Հեյը տալիս  է  տարբեր հիվանդությունների   մետաֆիզիկական ախտորոշումը, որը  ըստ  նրա 90-95  %-ով  ճշմարիտ  է:

Գլուխ - սա  մարմնի  այն  հատվածն  է,  որով  մենք  ներկայանում  ենք  աշխարհին  և  որով  մեզ  ճանաչում  են: Եթե   գլխի հետ   ինչ- որ  բան  այն չէ  դա  նշանակում  է, որ   մենք   վատ  ենք  վերաբերվում  ինքներս  մեզ: Գլխացավերը  առաջանում  են,  երբ  մենք  սկսում  ենք  մեզ  թերագնահատել, ինքնաքննադատել,  իսկ  ովքեր  ունեն   կուտակված   բարկություն,  ապա  հավանական է, որ վերջիններիս գլխացավերը   կվերածվեն  միգրենի:

Մազեր- մետաֆիզիկական  մակարդակում  ուժի  խորհրդանիշն  է: Սթրեսի, գերլարման  արդյունքում  առաջանում  է  մազաթափություն:

Աչքեր- ներկան, անցյալը  և  ապագան հստակ  տեսնելու  մարմնավորումն  է: Երբ   մենք  տեսնում  ենք  անցանկալին, տխրում  ենք,  այն  արտացոլվում  է    աչքերում: Ցավեր  կարող  են  առաջանել  ևՙ  նրանց  մոտ  ովքեր  մշտապես  լալիս  են, և՛  նրանց  մոտ   ովքեր  երբեք  չեն  լալիս: Երբ  փոքրիկ  երեխան  ակնոց  է   կրում, դա  կարող է նշանակել,  որ  ընտանիքում կատարվում  է  այն, ինչ  նա  չի  ցանկանում  տեսնել:

Ատամներ-  մենք  բերանի  միջոցով  արտահայտում  ենք  մեր  որոշումները:  Երբ  կա   երկար  շարունակվող  անվճռականության  վիճակ, չենք  կարողանում իրավիճակից  ելք   գտնել, որոշում  ընդունել՝  առաջանում  է  ատամնացավ:

Ականջ - իրականությունը  լսելու  հնարավորություն մենք ունենում ենք հենց ականջների շնորհիվ:  Ցավեր  առաջանում  են, երբ  լսում  ենք  այն,  ինչ  չէինք  ցանկանա  լսել: Հատկապես  այն երեխաների մոտ,  որոնք   մշտապես   ականջալուր  են  լինում  անցանկալի  խոսակցությունների,  բայց  անկարող  են  ինչ-որ  բան՝ առաջանում  են  ցավեր ականջներում:

Պարանոց- հնարավորություն  է  տալիս  խնդիրը  տեսնել  այլ  կողմից, ընդունել  ուրիշի  տեսակետը: Խնդիրները  հետևանք  են  նրա,  որ  համառում  ենք, հրաժարվում   լինել  ավելի  ճկուն  կամ  պլաստիկ:

Կուրծք- մայրության  խորհրդանիշն  է,այս  հատվածում խնդիր  առաջանում  է,  երբ  մենք  մեր  ուշադրությունը  չէնք  հատկացնում մեզ, այլ  ուղղում ենք   ուրիշներին, այլ  իրերի,երևույթների:  Կրծքի  քաղցկեղը  վիրավորանքի  կուտակման  արդյունք   է:

Ուսեր- խորհրդանշում  է  այն  բեռը, որ  մենք  կրում  ենք: Խնդիր  առաջանում է, երբ  ուրշների  հոգսերը  վերցնում  ենք  մեզ  վրա:

Սիրտ -  սիրո  և  անվտանգության  սինվոլն  է:  Հուզական խնդիրների, սիրո  և  անհոգության  պակասի  դեպքում  առաջանում  են   ցավեր:

Թոքեր-  երբ  մենք  չենք   ցանկանում, կամ կարծում  ենք,  որ  իրավունք   չունենք, կամ  էլ  վախենում  ենք  ապրել  լիաժեք  կյանքով  առաջանում  են  խնդիրներ: Նրանք, ովքեր   շատ  են  ծխում  դիմակի  միջոցով   փակում  են  իրենց   ցածր ինքնագնահատականը, ժխտում են  կյանքը:

Մեջք- ոչ   բավարար   աջակցության  դեպքում  զգում  ենք  ցավեր: Ընդ  որում   վերևի  հատվածում   ցավերը  զգացմունքային  աջակցության  բացակաության   հետևանք  է, ներքևի   հատվածի   ցավերը՝  փողային  խնդիրներն  են,  իսկ  միջին  հատվածում՝  մեղքի   զգացումը:

Ձեռքեր- կյանքի  փորձություններին  դիմակայելու  խորհրդանիշն է: Ձեռքերի  միջոցով  վերցնում  ենք,բռնում կամ  հրաժարվում  այս  կամ  այն  բանից: Աջ   ձեռքը   խորհրդանշում  է  հարաբերությունները  կանանց  հետ,  ձախը՝  տղամարդկանց: Հետևաբար, եթե հաճախակի ցավեր ունեք աջ ձեռքի շրջանում, ապա դուք խնդիրներ ունեք կանանց հետ, և հակառակը՝ ձախ ձեռքի հատվածում ցավերի դեպքում որոշ խնդիրներն կան տղամարդկանց հետ հարաբերություններում:

Ոտքեր-իրենց  վրա  են  կրում մեր  ողջ  մարմինը: Անցանկալի  գործողության, առաջ  շարժվելու  վախի   դեպքում  առաջանում  է  ցավեր:

1)Երբեք  և  ոչ  մի  պարագայում  մի քննադատեք ինքներդ ձեզ:

2)Եթե  գլխում  բացասական  բնույթի  մտքեր  առաջանան, պարզապես հեռացրեք դրանք:

3)Հարյուրավոր  կիլոմետր  ճանապարհը  սկսվում  է  մեկ  քայլից:

4)Խնդիրը  ինքնազարգացման  հնարավորություն  է:

5)Փոփոխություններին  վերաբերվեք  ինչպես  բնակարանի  մաքրությանը: Սկզբից  մեկը, հետո  մյուսը և կտեսնեք,որ  ամեն  ինչ  փայլում  է:

Նյութը պատրաստել է ՀՊՄՀ Կրթության հոգեբանություն և սոցիոլոգիա ֆակուլտետի ուսանողուհի Հասմիկ Գալոյանը