 Լինում են օրեր, երբ բացի անկողնում թաքնվելուց և այնտեղից դուրս չգալուց, դուք այլ ցանկություն չեք ունենում: Երբ թվում է, թե ամբողջ աշխարհը բեռնվել է քո ուսերին, զրկում է քեզ քո ունեցած ուժերից, ամեն ինչ չի ընթանում այնպես, ինչպես պետք է, և անօգնական լինելու զգացումը թույլ չի տալիս առաջ շարժվել: Կյանքը երբեմն ավելի բարդ խնդիրներ է մեր առաջ դնում, քան մենք կպատկերացնեինք: Հեշտ չէ այս ամենին դիմակայել: Եվ նույնիսկ, եթե սիրտը տխուր է և դատարկ, շատ բարդ է գտնել ծեծված հարցի պատասխանը ՝ <<ինչու>>: Այս զգացումը հնարավոր չէ բնութագրել, բայց այն շատ տարածված է:
Դուք կարող եք վերջնականապես վայր դնել ձեռքերը: Դուք կարող եք զգալ անտանելի դատարկություն, հոգնածություն: Բայց պետք է համբերել: Պետք է գտնել մի փոքրիկ թել, կառչել դրանից , մինչև այն կդառնա ձեր փրկող օղակը: Բռնվեք դրանից ինչքան հնարավոր է ուժեղ և բաց մի թեղեք: Նույնիսկ եթե այն ամենը, ինչ դուք կանեք ` դա ուղղակի պառկելն է անկողնում և հանգիստ շնչելը: Իսկ գիտեք ին՞չ: Թող այդպես լինի: Շանունակեք շնչել և ամեն ինչ լավ կլինի:
Միգուցե, դուք զգում եք, թե շատ կոտրված եք ոտքի կանգնելու համար, որ սրտում ցավը շատ ուժեղ է, որ ձեր գլխում խառնաշփոթ է: Ձեր մարմինը ավելի ուժեղ է, քան դուք պատկերացնում եք: Նա գիտի, ինչպես բուժել ցավը:
Դուք երբեք վերջնականապես կոտրված չեք լինի: Ամեն օր դուք կարող եք սկսել նորից, և ամեն նոր օր դուք ունեք ձեր նախկին եսը վերադարձնելու հնարավորություն: Դա կարող է ժամանակ տանել, բայց դա չի նշանակում, որ դուք վերածվել եք փշուրների: Դուք պարզապես մի քիչ կորցրել եք ձեզ:
Ոչինչ այս կյանքում կայուն չի կարող լինել, նույնիսկ սև գիծը: Զզվելի զգացողությունները շուտով կանցնեն, մնում է միայն սպասել, և շատ շուտով դուք ձեզ ավելի լավ կզգաք: Եվ երբ դա անցնի, դուք կհասկանաք, թե ինչքան ուժեղ եք դառնում ամեն րոպե: Տխրությունը—թուլության նշան չէ:
Խորը շունչ քաշեք և կհասկանաք, որ ձեր կյանքը սովորական կյանք Է: Սխալվելը նորմալ երևույթ է, և նույնիսկ նորմալ է,եթե ոչինչ չի ստացվում: Եվ նույնիսկ, եթե դուք հիմա տխուր եք և ցավ եք զգում, միգուցե դա ինչ- որ նոր բանի սկիզբ է:
Դուք չպետք է մերժեք այդ ցավը: ՈԻշադրություն հատկացրեք դրան և կհասկանաք, որ այն ուղղակի հյուր է և չի պատրաստվում երկար մնալ: Արհեստականորեն խլացնելու փոխարեն՝ ընդունեք այդ ցավը:
Վախերը կարող են հսկայական ուժ ունենալ մեր դեմ: Չխաբնվեք դրան: Հիշեք, որ ձեր գիտակցությունը խաղում է ձեզ հետ և պետք է զգույշ լինեք սեփական մտքերի հետ: Եթե դուք կարողանաք փորձել կյանքի համը և արթնացնել ձեր մեջ լավին ձգտելու զգացումը, դուք կդառնաք այն բանի ականատեսը, թե ինչպես է ամեն ինչ գեղեցիկ գույներով փոխվում:
Գտեք ինչ որ աննշան բան, որը ձեզ դուր է գալիս, և շարժվեք ամենափոքր, փոքրագույն քայլերով: Եթե դուք դանդաղ շարժվեք առաջ, ամեն ինչ կլինի իր տեղում: Օգնության կարիք ունեք՝ դիմեք: Մոտիկ մարդիկ ցանկանում են, որ դուք երջանիկ լինեք, որովհետև ձեզ սիրում են: Կիսվեք ձեր ընկերների հետ, եթե ձեզ վատ եք զգում:
Խորը շունչ քաշեք: Դուք այստեղ եք, դուք ողջ եք:Ձեր գլուխը լիքն է լավ մտքերով և դուք բարի սիրտ ունեք: Փորձեք չմոռանալ բոլոր այն լավ բաները, որոնք կան ձեր ներսում:
Նույնիսկ եթե ձեզ համար ցավոտ է, դուք մնում եք այնպիսին, ինչպիսին կաք: Եվ եթե դուք փորձում եք ինչ որ լավ բան փնտրել, այն հաստատ ձեզ սպասում է:
ՄԻ մոռացեք, որ եթե նույնիսկ ձեր շուրջը ամեն ինչ փլուզվի, դուք կարող եք ինքներդ ձեզ փրկել: Դուք ունեք ուժ, որով կարող եք այդ կեղտոտ ջրի վրա կամուրջ կառուցել: Դուք կարղ եք քանդել թունելը, դուրս գալ մթությունից, որպեսզի նորց լույս տեսնեք: Ձեզ պետք է շարժվել առաջ: Ժամանակի ընթացքում ամեն ինչ շատ ավելի լավ կլինի, ձեր ճանապարհի լույսը ավելի պայծառ կդառնա:
Դուք ունեք այն, ինչ այս հսկայական մոլորակում ոչ ոք չունի:Ձեր անհատականությունը, ձեր ներքին լույսը, ձեր հոգին ու սերը:Դուք անկասկած աճում և փայլում եք: Դուք— մի ամբողջ տիեզերք եք: Եվ այս ամենը այնքան լավ է դրսևորվում մեկ անձի մեջ:
Խորը շունչ քաշեք: Ամեն ինչ լավ կլինի….
Նյութը պատրաստել է ՀՊՄՀ Կրթության հոգեբանության և սոցիոլոգիայի ֆակուլտետի ուսանողուհի Նելլի Հակոբյանը
Աղբյուրը՝ www. adme.ru
|